(روز نامہ قدس ۔آنلائن خبر رساں ادارہ )شہید ہونے والوں میں 3,631 بچے اور 1872 خواتین شامل ہیں جبکہ زخمیوں کی تعداد 22 ہزار سے تجاوز کرگئی ہے اس میں بھی 70 فیصد خواتین اور بچوں کی ہے۔
فلسطینی ذرائع ابلاغ کے مطابق مقبوضہ فلسطین کے محصور شہر غزہ پر 23 روز سے جاری اسرائیلی فوج کی وحشیانہ بمباری میں اب تک اٹھ ہزار کے قریب فلسطینی شہید اور 22 ہزار سے زائد زخمی ہوگئے ہیں جس میں 70 فیصد بچوں اور خواتین کی تعداد ہےجبکہ ایک اندازے کے مطابق ایک ہزار سے زائد افراد ملبے تلے دبے ہوئے ہیں جس کے باعث ہلاکتوں میں خوفناک اضافے کا خدشہ ہے۔
غاصب صیہونی افواج نے آج بھی غزہ کی پٹی کے مختلف علاقوں پر اپنے بمباری کی جس میں 377 فلسطینیوں کو شہید کردیا۔
فلسطینی ہلال احمر کی جانب سے جاری کردہ بیان میں بتاگیا ہے کہ اسرائیلی فوج نے زخمیوں کو طبی امداد فراہم کرنےوالی ایمبولینسر کو بھی جاحیت کا نشانہ بنایا، اسرائیلی افوا ج نے دانستہ طور پر 25 ایمبولینسر کو تباہ کیا جس کے باعث زخمیوں کو بروقت اسپتال پہنچانا ناممکن ہوا اور کئی جانیں بروقت طبی امداد نا ملنے کے باعث ضائع ہوئیں۔
ہلال احمر کا کہنا ہے کہ گذشتہ دو روز میں اسرائیل کی ناقابل بیان بمباری میں5 ہزار سے زائد رہائشی عمارات تباہ ہوچکی ہیں جس کے باعث پانچ لاکھ سے زائد فلسطینی بے گھر ہوگئے ہیں۔