پاکستان کی مائیں، بہنیں، بچے فلسطینی ماؤں بہنوں اور بچوں کا درد محسوس کر رہے ہیں:ڈاکٹر صابر ابو مریم

(روز نامہ قدس ۔آنلائن خبر رساں ادارہ )مظلوم فلسطینی عوام سے اظہار یکجہتی اور اسرائیل جارحیت کے خلاف فلسطین فاؤنڈیشن ہاکستان کی جانب سے نماش  چورنگی سے سی بریز ایم اے جناح روڈ دفاع فلسطین خواتیں و اطفال ریلی نکالی گئی۔

یہ بھی پڑھیے: غزہ پر مغرب کی خاموشی منافقت، سفاکانہ دوہرا معیار ہے، ہیومن رائٹس واچ

ریلی میں سینکڑوں کی تعدد خواتیں و بچوں سمیت سیاسی،سماجی اور سیاسی مذہبی جماعتوں کے رہنماؤں نے شرکت کی، ریلی میں مظاہرین خواتیں و بچوں نے ہاتھوں میں پلے کارڈ و بینرز اٹھائے ہوئے تھے جس پر مظلوم فلسطینیوں کی نسل کشی بند کرو، اسرائیل نا منظور، امریکہ مردہ باد کے نعرے درج تھے ، مظاہرین نے اسرائیل وزیراعظم نتن یاہو کا پتلا بھی  نذر آتش کیا۔

شرکاء ریلی سے خطاب میں سیکرٹری جنرل فلسطین فاؤنڈیشن ڈاکٹر صابر ابو مریم کا کہنا تھا کہ اسرائیل پر فلسطینی مزاحمت کی جوابی کارروائی نے دنیا کے سامراجی طاقتوں کی نیندوں کو حرام کر دیا ہے، امریکہ اسرائیل کی سرپرستی کر رہا ہے۔

 پاکستان کی مائیں، بہنیں، بچے فلسطینی ماؤں بہنوں اور بچوں کا درد محسوس کر رہے ہیں اس ظلم کے خلاف ہم آواز بنے ہوئے ہیں،آج دنیا بھر کی طرح پاکستان میں احتجاج کر رہے ہیں۔انھوں نے کہا کہ ظلم کے خلاف آواز بلند کرنا سنت نبی کریم  صلی اللہ علیہ وسلم  ہے۔

شرکاء ریلی سے خطاب میں ڈاکٹر سارہ کا کہنا تھا کہ ہم ایٹمی طاقت ہوتے ہوئے کمزور ہیں فلسطین کاز کیلئے ہمیں ایک ہونا پڑھے گا ملت پاکستان اپنے فلسطین مسلمانوں کے ساتھ ہیں حکومت پاکستان فلسطینی عوام کی ہر ممکنہ امداد کو یقینی بنائیں۔

ریلی سے خطاب میں پاکستان تحریک انصاف کی رہنما ام رباب کا کہنا تھا کہ فلسطینی مسلمانوں کی حمایت میں کسی قربانی دینے سے گریز نہیں کریں گے۔

جی یو پی کی رہنما امہ محتشم کا کہنا تھا کہ ملکی حکمرانوں کو چاہئے وہ فلسطین میں مظالم کے خلاف موثر آواز بلند کریں۔معروف ٹی وی اینکر نادیہ علی کا کہنا تھا کہ بحیثیت ایک بہن اور ماں مظلوم فلسطینی خواتین و بچوں کے درد محسوس کرتے ہوئے اسرئیلی مظالم کی مذمت کرتے ہیں۔فلسطین کی عوام آزادی کے منتظر ہیں اور بہت جلد غاصب اسرائیل اسے اپنی سرزمین واپس لے لیں گے۔

سوشل میڈیا ایکٹوسٹ محترمہ عابدہ کا کہنا تھا کہ آج اگر ہم اپنے مظلوم فلسطینی مظلوموں کے ساتھ نہیں کھڑے ہوں گے تو کل ہم پر بھی یہ وقت آئے گا۔ریلی میں ڈاکٹر سارا نے قرارد پیش کرتے ہوئے کہنا تھا کہ ہم مظلوم فلسطینیوں کی حمایت کا اعلان کرتے ہیں۔فلسطین فلسطینیوں کی سر زمین ہے اسرائیل ایک غاصب ریاست یے۔ملکی عوام فلسطین کاز کیلئے قائد اعظم محمد علی جناح کے اصولی موقف ساتھ کھڑے ہیں حکمران بھی اس واضح موقف کر ساتھ کھڑے ہوں۔

کسی قسم کی سفارتی تعلقات اسرائیل سے قائم نہیں کئے جائیں گے۔عالمی اداروں سے مطالبہ کرتے ہیں کے وہ غزہ فلسطین میں امداد جلد از جلد پہنچائیں۔ حکومت پاکستان اپنی امدادی سرگرمیوں کو جاری رکھے۔ملکی سطح پر فلسطین فنڈ قائم کیا جائے۔

فلسطین کی اسرائیل کے خلاف جنگ کو جنگ آزادی قرار دیتے ہیں۔اقوام متحدہ و عالمی برادری فلسطین سے اسرائیلی غاصبانہ قبضہ ختم کروائے۔ عرب حکمران کو غاصب صہیونی ریاست اسرائیل سے  اپنے تعلقات ختم کریں۔جس طرح اسرائیل نے غزہ اور فلسطین میں ادویات، اجناس، پانی و بجلی اور ایندھن بند کیا ہوا ہے اسی  طرح مسلم ممالک اسرائیل اور اس کے حامیوں پر تیل کی ترسیل بند کریں۔

حکومت پاکستان حماس سے سفارتی تعلقات کو بحال کرے، فلسطین کی مالی اور فوجی مدد کی جائے، فلسطینوں کی امدد کیلئے بند راستوں کو کھولا جائے وراسرائیلی پروڈکٹ کا بائی کاٹ کیا جائے۔

ریلی میں مجلس وحدت مسلمین کے صوبائی صدر علامہ باقر عباس زیدی، جے یو پی کے رہنما مولانا عقیل انجم، علامہ قاضی احمد نورانی، ایم کیو ایم میجر قمر عباس، پاکستان عوامی تحریک کے رہنما ثاقب نوشائی،اسماعیل عارفی، اہلسنت رابطہ کونسل کے رہنما مسرو قریشی، معاض نظامی، جمیعت ایل حدیث کے مفتی مرتضیٰ رحمانی، پروفیسر محمود عالم جہانگیری، یومن رائٹ کونسل جمشید حسین، پی ٹی آئی کی رہنما ارم بٹ سمیت دیگر موجود تھے۔