(روز نامہ قدس ۔آنلائن خبر رساں ادارہ ) صیہونی فوج کا دعویٰ ہے کہ فلسطینی مزاحمت کاروں نے اسرائیلی بس پر فائرنگ کی تھی جس کے بعد ان کو گرفتار کرنے کی کوشش کی گئی تاہم مزاحمت کاروں نے مقابلہ کیا اور شہید کردیئے گئے۔
غیر قانونی صیہونی ریاست کے معروف عبرانی اخبار’یدیعوت احرونوت‘ کے مطابق ان دو فلسطینی نوجوانوں نے طولکرم کے جنوب میں صیہونی أفني حيفتس کے قریب اسرائیلی بس پر فائرنگ کی تھی جس کے بعد اسرائیلی فوج کے گولانی پٹرولنگ یونٹ نے مزاحمت کاروں کا پیچھا کیا شوفا گاوں کی داخلی گذرگاہ کے قریب گولیاں مار کر شہید کر دیا۔
فلسطینی وزارت صحت نے نوجوانوں کی شناخت شہید عبدالرحمان عطا اور حذیفہ فارس کے ناموں سے کی ہے۔
اخبار نے دعویٰ کیا ہےکہ اسرائیلی بس پر فائرنگ کے بعد صیہونی فوجیوں سے ان کا آمنا سامنا ہوا جو انھیں گرفتار کرنے کیلئے ان کا پیچھا کیا تاہم مزاحمت کاروں نے فوج پر فائرنگ کی اور جوابی کارروائی میں دونوں شہید کردیئے گئے۔