(روز نامہ قدس ۔آنلائن خبر رساں ادارہ ) صہیونی دہشتگردوں نے فلسطینی رہائشیوں کے گھروں میں داخل ہو کر تلاشی کے بہانے سارا سامان باہر پھینک دیا۔
تفصیلات کے مطابق گذشتہ روز مقبوضہ فلسطین کے مغربی کنارے اوربیت المقدس میں صہیونی غاصب فوجیوں نے پرتشدد کارروائیوں کاآغاز کیا جس کے نتیجے میں گھر گھر تلاشی کے دوران متعدد افراد کو سر عام تشدد کا نشانہ بنایا گیا جبکہ روائیتی توڑ پھوڑ کر تے ہوئے درجنوں گاڑیوں اور املاک کی تباہی کے علاوہ چھ بے گناہ فلسطینیوں کو اغوا کرکے نامعلوم مقامات پر منتقل کردیا۔
مقامی فلسطینی ذرائع نے اطلاع دی ہےکہ صہیونی فوج نے مقبوضہ مغربی کنارے کے شہر جنین سے تین فلسطینی نوجوانوں جن کے نام تقی بسام ابو عبید، حسن السعدی اور شیرا الہندوی بتائے ہیں کو بدترین تشددکرتے ہوئے اغوا کرلیا۔
دوسری جانب القدس میں صہیونی فوجی دستوں نے العیسویہ قصبے پر حملہ کر کے تین فلسطینیوں کو گرفتار کرلیا جن کی شناخت کریم احمد عبید، محمد فوزی عبید اور مجد ودیع عبید کے نام سے ہوئی ہے۔
عینی شاہدین کے مطابق صہیونی دہشتگردوں نے فلسطینی رہائشیوں کے گھروں میں داخل ہو کر تلاشی کے بہانے سارا سامان باہر پھینک دیا اور نوجوانوں کو بلاجواز تشدد کرتے ہوئے فوجی گاڑیوں میں ڈال کرنامعلوم تفتیشی مقامات پر منتقل کردیا۔