(روز نامہ قدس ۔آنلائن خبر رساں ادارہ ) صہیونی فوج کے ہاتھوں زخمی ہونے والے فلسطینی شہری کو فوری طور پر رام اللہ ہسپتال منتقل کیا گیا ہے جہاں اس کی حالت نازک بتائی جاتی ہے۔
ذرائع کے مطابق گزشتہ روز قابض صہیونی ریاست اسرائیل کے فوجی دستے نےمقبوضہ مغربی کنارے کے شہر البیرہ میں ایک فلسطینی کواس وقت فائرنگ کا نشانہ بنایا جب وہ اپنی گاڑی میں جارہاتھا۔
مقامی رہائشیوں نے بتایا کہ صہیونی فوج نے البیرہ کی شمالی چوکی کے قریب ایک گاڑی پر فائرنگ کی جس کے نتیجے میں فلسطینی شہری زخمی ہوا تاہم قابض فوج نے زخمی شہری کوگرفتار کرلیا۔
واضح رہے کہ صہیونی فوج کے ہاتھوں زخمی ہونے والے فلسطینی شہری کو فوری طور پر رام اللہ ہسپتال منتقل کیا گیا ہے جہاں اس کی حالت نازک بتائی جاتی ہے تاہم اس کی شناخت کے حوالے سے جیل حکام کسی قسم کی معلومات فراہم کرنے سے انکاری ہیں۔