(روز نامہ قدس ۔آنلائن خبر رساں ادارہ ) صہیونی فوجیوں نے اسید کے سر میں گولی ماری جبکہ ابو دعش کے جسم کے کئی حصوں کو نشانہ بنایا۔
ذرائع کےمطابق گذشتہ روز صہیونی ریاست اسرائیل میں طولکر م کے مقام پرعلی الصبح اسلحے سے لیس قابض فوج نے نور الشمس کیمپ پردھاوابولاجس کے نتیجے میں فلسطینیوں کی جانب سے بھی سخت مزاحمت کی گئی تاہم فوج کی بڑی نفری نے بھاری مشینری اور بلڈوزوروں کا استعمال کرتے ہوئے بڑے پیمانے پر تباہی مچائی اورفلسطینی کیمپ میں داخل ہوگئے۔
اس موقعے پرصہیونی دہشتگردوں نے متعدد گھروں کو نقصان پہنچایا اور براہ راست فائرنگ کی جسکے نتیجے میں کئی افراد زخمی ہوئےجبکہ دو نوجوان 21 سالہ نوجوان اسید فرحان ابو علی "جبعاوی” اور نوجوان عبدالرحمن ابو دغش زخموں کی تاب نہ لاتے ہوئے ہسپتال منتقلی کے دوران جان کی بازی ہار گئے۔
مزید معلومات کےمطابق فلسطینی نوجوان جبعاوی کوصہیونی فوجیوں نے سر میں گولی ماری، بعد ازاں اسے انتہائی تشویشناک حالت میں طولکرم کے شہید ثابت سرکاری ہسپتال منتقل کیا گیاتاہم وہ دم توڑ چکا تھاجبکہ دوسرے زخمی نوجوان دغش کے جسم کے کئی حصوں کو گولیوں کا نشانہ بناکر شدید زخمی کیاگیا بعد ازاں نوجوان کی شہادت ہوگئی۔