صیہونی آبادکاروں کا مسجد اقصیٰ میں یہودی مذہبی رسومات کی ادائیگی، قبلہ اول کی بے حرمتی

(روز نامہ قدس ۔آنلائن خبر رساں ادارہ ) صیہونی فوج اور پولیس کے حفاظتی حصار میں سیکڑوں غیر قانونی صیہونی آبادکاروں نے مسجد اقصیٰ پر دھاوا بولا اور یہودی مذہبی رسومات کی ادائیگی کے نام پر قبلہ اول کی بے حرمتی کی۔

فلسطینی ذرائع کے مطابق گذشتہ روز کم سے کم 120 کے قریب غیر قانونی صیہونی آبادکاروں نے اسرائیلی پولیس اور فوج کے حفاظتی حصارمیں مسجد اقصیٰ کے باب القطانین  سے داخل ہوکر یہودی مذہبی کتاب تلمود کے مطابق یہودی مذہبی رسومات ادا کیں، اس دوران آبادکاروں نے قبلہ اول کے تقدس کو پامال کرتےہوئے مسلمانوں کے تیسرے مقدس ترین مقام کی بے حرمتی کی۔