(روز نامہ قدس ۔آنلائن خبر رساں ادارہ ) 14 سالہ غیر مسلح فلسطین بچہ ٹرین میں سوار تھا کہ اچانک غیر قانونی صیہونی آبادکاروں نے اس بچے پر حملہ کیا اور پھر اسرائیلی پولیس نے بچے کو گولیاں مار کرشہید کردیا۔
مقامی ذرائع نے تصدیق کی کہ گذشتہ روز مقبوضہ بیت المقدس میں اسرائیلی پولیس نے باب العمود کے قریب 14 سالہ فلسطینی بچہ خالد سمر الزعین ٹرین میں سوار تھا کہ اچانک ٹرین میں موجود غیر قانونی صیہونی آبادکاروں نے بچےپر حملہ کردیا اور موقع پر موجود صیہونی پولیس نے خالد سمرالز عین پر فائرنگ کی جس سے وہ شدید زخمی ہوگیا، سماجی رابطوں کی مختلف ویب سائٹ پر وائرل ہونے والی ویڈیوز میں دیکھا جاسکتا ہے کہ اسرائیلی پولیس اہلکاروں کی جانب سے بچے کو زخمی کرنے کے بعد بغیر کسی طبی امداد کے موقع پر گرے رہنے دیا گیا جس کے بعد خون بہہ جانے سے فلسطینی بچے کی شہادت ہوئی۔
دوسری جانب غیر قانونی صیہونی میڈیا نے اپنے بے بنیاد دعویے میں کہا ہے کہ بچے نے مبینہ طور پر ایک صیہونی آباد کار پر چاقو سے حملہ کیا تھا اور گولی مارنے سے پہلے اسے زخمی کر دیا تھا۔