(روز نامہ قدس ۔آنلائن خبر رساں ادارہ ) عباس ملیشیا نے مقبوضہ مغربی کنارے میں فلسطینیوں کے خلاف سیاسی گرفتاریوں اور رہائی پانے والے قیدیوں اور کارکنوں کو نشانہ بنانے کا سلسلہ تیز کردیا ہے۔
مقبوضہ فلسطین میں شہری جہاں غیر قانونی غاصب صیہونی ریاست اسرائیل کے مظالم کا شکار ہیں وہی فلسطینی اتھارٹی کی جانب سے اسرائیل کے ہاتھوں کو مضبطو کیا جارہا ہے ، فلسطین میں انسانی حقوق کے کارکنوں نے فلسطینی اتھارٹی کی پولیس کے ہاتھوں سیاسی بنیادوں پر سابق قیدیوں اور سیاسی کارکنوں کی گرفتاریوں کی شدید مذمت کرتے ہوئے اس معاملے کو یورپی یونین میں اٹھانے پر زور دیا ہے۔
فلسطینی قانون دان ایڈووکیٹ مصطفیٰ شتات نے کہا ہے کہ فلسطینی اتھارٹی نے صیہونی ریاست کے خلاف مزاحمت کو ختم کرنے کا اگرچہ اعلان نہیں کیا ہے لیکن اس پر عمل درآمد بہت پہلے شروع ہے۔ عباس ملیشیا نے مقبوضہ مغربی کنارے میں سیاسی گرفتاریوں اور رہائی پانے والے قیدیوں اور کارکنوں کو نشانہ بنانے کا سلسلہ تیز کردیا ہے۔
انہوں نے بتایا کہ سابق اسیران اور سیاسی کارکنوں کی گرفتاریاں مزاحمت کچلنے کی مہم کا ایک لازمی حصہ ہیں۔ سیاسی نظربندوں کو اتھارٹی کی جیلوں میں شدید تشدد کا نشانہ بنایا جاتا ہے اور یہ کہ اگر وہ سیاسی گرفتاری، کام سے برطرفی اور ان کے مفادات پر پابندیوں کے خلاف مظاہروں میں حصہ لیتے ہیں تو ان کے اہل خانہ کو دھمکیاں دی جاتی ہیں۔
انہوں نے بتایا کہ سیاسی نظربندوں سے قابض ریاست کی جیلوں میں ان کی تنظیمی سرگرمیوں کے حوالے سے تفتیش کی گئی، جن میں سیاسی قیدی محمد راشدان بھی شامل ہے، جس نے 20 سال قابض ریاست کی جیلوں میں گزارے اور تاحال بھوک ہڑتال پر ہیں۔ سیاسی گرفتاری کو روکنے کے سب سے مؤثر طریقے کے بارے میں شتات نے کہا کہ اتھارٹی کے مالی ذرائع سے بات چیت کرنا، یورپی یونین میں اتھارٹی کی انسانی حقوق کی خلاف ورزیوں کے خلاف شکایات درج کرانا اور یہ واضح کرنا کہ یورپی یونین کا پیسہ آزادیوں کو دبانے کے لیے جاتا ہے۔