(روز نامہ قدس ۔آنلائن خبر رساں ادارہ ) دونوں رہنما ؤ ں نے فلسطینی دھڑوں کی فالو اپ کمیٹی کی تشکیل کو تیزکرنے کی ضرورت پر زوردیتے ہوئے آئندہ اجلاس کے لائحہ عمل پر بھی تبادلہ خیال کیا۔
فلسطینی ذرائع ابلاغ کی رپورٹ کے مطابق، فلسطین پر قابض غیر قانونی صیہونی ریاست اسرائیل کےمظالم کے خلاف برسرپیکار اسلامی مزاحمتی تحریک حماس کے سیاسی امور کے سربراہ اسماعیل ھنیہ نے گذشتہ روز فلسطین اتھارٹی کے سربراہ محمود عباس سے ٹیلی فونک گفتگو کی ہے۔
دونوں رہنماؤں نے قاہرہ میں ہونے والی سیکرٹری جنرل کے اجلاس کے نتائج پر تبادلہ خیال کیا۔ فلسطینی دھڑوں کی فالو اپ کمیٹی کی تشکیل کو تیزکرنے کی ضرورت پر زور دیا تاکہ جنرل سیکرٹریز کی اگلی میٹنگ سے پہلے اپنے مباحث کے نتائج پیش کر سکے۔
ملاقات کے دوران لبنان کے عین الحلوہ کیمپ میں پیش آنے والے دردناک واقعات پر بھی تبادلہ خیال کیا گیا اور فلسطینیوں اور لبنانیوں کی جانب سے جنگ بندی کے استحکام کے لیے کی جانے والی کوششوں کو سراہا گیا۔
فلسطینی دھڑوں کے جنرل سیکرٹریوں کا اجلاس گذشتہ جولائی کی 30 تاریخ کو مصر کے شہر العالمین میں منعقد ہوا، جس میں مقبوضہ مغربی کنارے میں مسلسل سیاسی نظربندی کے باعث تین فلسطینی دھڑوں کے بائیکاٹ کا اعلان کیا گیا تھا۔ اس وقت، دھڑوں نے ایک جامع قومی منصوبے تک پہنچنے اور قابض حکومت کا مقابلہ کرنے کے لیے ایک متفقہ جامع قیادت کی تشکیل پر تبادلہ خیال کیا۔