(روز نامہ قدس ۔آنلائن خبر رساں ادارہ ) غیر قانونی صیہونی قبضے کے خلاف فلسطینیوں نے ہفتہ واراحتجاجی مظاہرہ کیا جس کو منتشر کرنے کےلئے صیہونی فوج نے آنسو گیس ، صوتی بم ور ربڑکی گولیاں چلائیں۔
فلسطینی ذرائع کے مطابق گذشتہ روز مقبوضہ غرب اردن کے شمالی شہر قلقیلیہ کے مشرق میں واقع قصبے کفر قدوم میں فلسطینی نوجوانوں اور قابض فوجیوں کے مابین تصادم کے واقعات ہوئے۔
غیر قانونی صیہونی قبضے کے خلاف فلسطینیوں نے ہفتہ واراحتجاجی مظاہرہ کیا جس میں خواتین سمیت زندگی کے مختلف شعبوں سے تعلق رکنے والے فلسطینی شامل تھے ، غاصب صیہونی فورسز نے پر امن مظاہرین کو منتشر کرنے کےلئے طاقت کا بھرپور استعمال کیا اور مظاہرین پر آنسو گیس کی شیلنگ کے ساتھ، صوتی بم اور ربڑکی گولیاں چلائیں جس کے نتیجے میں کم سے کم چار فلسطینیوں کے زخمی ہونے کی اطلاعات ہیں جبکہ غاصب فوج نے متعدد مظاہرین کو حراست میں بھی لے لیا۔