(روز نامہ قدس ۔آنلائن خبر رساں ادارہ ) غاصب صیہونی فوج نے نماز جمعہ سے قبل مقبوضہ مغربی کنارے کے شہر نابلس کے سیبستیہ گاوں پر دھاوا بول دیا جس میں 20 فلسطینی شہری زخمی ہوئے۔
فلسطینی ہلال احمر سوسائٹی نے اطلاع دی ہے کہ غاصب صیہونی فورسز نے آج صبح نابلس کے قصبے سیبستیہ میں فلسیطنی شہریوں پر دھاوا بول دیا جس کے بعد صیہونی فوج اور فلسطینیوں کے درمیان تصادم ہوا جس میں غاصب صیہونی فورسز نے فلسطینیوں پر براہ راست گولیاں اور زہریلی آنسو گیس کے بم برسائے جس سے کم از کم 20 فلسطینیوں کے زخمی ہونے کی اطلاع ہے ۔
واضح رہے کہ صیہونی دشمن کی جانب سے سیبستیہ میں جھڑپیں معمول بن گئی ہیں ، اسرائیلی حکام قصبے میں موجود آثار قدیمہ کے علاقوں کو اپنے کنٹرول میں لینا چاہتے ہیں اور اس کے دیگر حصوں کو بند کرنے کی کوشش کرتے ہیں جس کے ردعمل میں جھڑپیں معمول بن گئی ہیں۔