(روز نامہ قدس ۔آنلائن خبر رساں ادارہ ) عرب لیگ، اسلامی تعاون تنظیم( او آئی سی) ،خلیجی تعاون کونسل ( جی سی سی) اور عرب ممالک نے پیر کو مغربی کنارے کے فلسطینی شہر جنین میں فلسطینیوں کے خلاف ’ فوجی طاقت کے بھر پور استعمال‘ کی مذمت کی ہے۔
غیر ملکی خبر رساں ادارے کے مطابق اسلامی تعاون تنظیم (او آئی سی) نے ایک بیان میں اقوام متحدہ کی سلامتی کونسل سے مطالبہ کیا کہ ’وہ اسرائیل کی مسلسل جارحیت کو رکوائے اور اس حوالے سے اپنی ذمہ داری پوری کرے‘۔ او آئی سی نے فلسطینی شہر جنین میں قابض اسرائیلی افواج کے نہتے شہریوں پر مظالم کی مذمت کی۔ قابل ذکر ہے کہ اسرائیل نے جنین کیمپ کے اندر اور مضافات میں متعدد مقامات کو میزائلوں اور جارحانہ ڈرونز سے نشانہ بنایا۔