صیہونی فوج نے دو بچوں سمیت پانچ فلسطینیوں کو اغوا کرلیا

(روز نامہ قدس ۔آنلائن خبر رساں ادارہ ) غاصب فورسز نے مسجد اقصیٰ پر دھاوا بول دیا اور دو نوجوانوں  کو اغوا کیا جن کی شناخت معلوم نہیں تھی جبکہ جنین سے تین کم سن بچوں کو بھی اغوا کیا گیا۔

مقامی ذرائع نے اطلاع دی ہے کہ غاصب صیہونی  فورسز نے گذشتہ روز مسجد اقصیٰ پر دھاوا بولااور دو نوجوانوں جن کی شناخت  نہیں ہوسکی ان کو اپنے ہمرا نا معلوم مقام پر منتقل کردیا۔

دوسری جانب  مقبوضہ غرب اردن کے شمالی شہر جنین میں صیہونی فوج نے چھاپہ مار کارروائی کے دوران تین بچوں کو حراست میں لیا اور انھیں بھی نامعلوم مقام پر منتقل کردیا۔

مئی کے مہینے کے دوران مقبوضہ بیت المقدس میں 143 فلسطینیوں کو گرفتار کیا گیا۔ گرفتار ہونے والوں میں 33 بچے اور 7 خواتین شامل ہیں۔

اس کے علاوہ غاصب فوج نے جمعہ کی شام جنین کے جنوب مغرب میں واقع قصبے یعبد سے تین بچوں کو گرفتار کیا۔ مقامی ذرائع نے بتایا کہ قابض فوج نے اوس معین، عمار محمد اور کریم باسم کو گرفتار کیا، یہ سب ابوبکر خاندان سے تعلق رکھتےہیں۔ ان کی گرفتاری اس وقت عمل میں لائی گئی جب وہ قصبے کے جنوب میں تھے۔