(روز نامہ قدس ۔آنلائن خبر رساں ادارہ ) زخمی فلسطینی نوجوانوں کی تاحال شناخت ظاہر نہیں کی گئی، غاصب فوج کا کہنا ہے کہ دونوں نوجوان اسرائیلی فوج کے خلاف قاتلانہ حملے کی کوشش کررہے تھے۔
مقامی ذرائع کی رپورٹ کے مطابق غیر قانونی صیہونی ریاست کی نام نہاد سیکیورٹی فورسز نے گذشتہ روز رام اللہ میں المغیر کے مقام پر فائرنگ کرکےکم سے کم دو فلسسطینیوں کو زخمی کردیا اور دزخمی فلسطینی نوجوانوں کو اغوا کرکے اپنے ہمراہ لے گئے،(دونوں نوجوانوں کی تاحال شناخت نہیں ہوسکی)۔
عبرانی میڈیا نے رپورٹ کیا کہ اسرائیلی فورسز نے المغیر گاؤں کے قریب ایک نوجوان کو کندھے اور ران میں گولی مار کر زخمی کیا گیا جبکہ دوسرے کو بھی ٹانگ میں گولیاں ماری گئیں۔ غاصب فورسز نے دعویٰ کیا کہ اس پر دھماکہ خیز مواد نصب کرنے کی کوشش کرنے کا شبہ تھا جس کی وجہ سے اسے گولیاں ماری گئی۔ اسے شدید زخمی ہونے کے باوجود اپنے ہمراہ نامعلوم مقام پر منتقل کردیا گیا۔