(روز نامہ قدس ۔آنلائن خبر رساں ادارہ ) غاصب صہیونی فورسز نے جمعہ کی شام 6 مئی 2023 کو مقبوضہ قلقیلیہ کے جنوب میں واقع قصبے حبلہ کے قریب چھاپہ مار کارروائی کے دوران دو فلسطینی شہریوں کو زخمی کر دیا۔
مقامی ذرائع نے اطلاع دی ہے کہ غاصب صہیونی فوج نے مقبوضہ نابلس ضلع بیت فرک قصبے سے تعلق رکھنے والے ایک نوجوان پر فائرنگ کی جبکہ دوسرے کو مقبوضہ غرب اردن کے شہر اریحا میں فائرنگ کا نشانہ بنایا۔
صہیونی فورسز کی جانب سے دونوں افراد کے حوالے سے تفصیلات فراہم نہیں کی گئیں ہیں اور نا ہی ان کی حراست کے مقام کے حوالے سے کچھ بتایا گیا ہے۔
واضح رہے کہ روانہ سال 2023 میں اب تک صہیونی فورسز اور غیر قانونی صہیونی آبادکاروں کے ہاتھوں شہید ہونے والے فلسطینیوں کی تعداد 115 ہو گئی ہے، جن میں تقریباً 20 بچے اور دو خواتین بھی شامل ہیں۔