(روز نامہ قدس ۔آنلائن خبر رساں ادارہ ) 16 فروری 1989 کو، حماس کے دو مزاحت کاروں نے اسرائیلی یہودی الٹراآرتھوڈوکس مردوں کے بھیس بدل کر اسرائیلی فوجیوں کو اغوا کیا اور پھر ان کو فلسطینیوں کی رہائی کے لئے استعمال کرنے کی کوشش کی۔
آج مقبوضہ فلسطین پر قابض غیر قانونی صہیونی ریاست اسرائیل کے مظالم کے خلاف برسرپیکار اسلامی مزاحمتی تحریک حماس کے عسکری ونگ القسام بریگیڈز کے ہاتھوں صہیونی فوجی ایلان سعدون کی موت کی 34 ویں برسی ہے۔ القسام بریگیڈز کے یونٹ 101 جس کا کام ہی صہیونی فوجیوں کی تفصیلات رکھنا اور ان کو اغوا کرنا ہے نے 3 مئی 1989 کو فلسطینی قیدیوں کی رہائی کے راستے میں ایک معیاری قدم کے طور پر صہیونی فوجی "ایلان سعدون” کو اغوا کرنے کا آپریشن انجام دیا اور اس کو کامیابی سے مکمل بھی کیا تاہم صہیونی ریاست کی جانب سے فلسطینی قیدیوں کی رہائی سے انکار اور جوابی جنگ کے باعث صہیونی فوجی کو قتل کردیا گیا۔