(روز نامہ قدس ۔آنلائن خبر رساں ادارہ ) عقبہ جبر کے پناہ گزین کیمپ پر چھاپہ مارا ہے، روایتی لوٹ مار کے بعد مزاحمت پر فائرنگ کی اور متعدد شہریوں کو گرفتار کیا۔
فلسطینی وزارت صحت کی جانب سے جاری کردہ مختصر بیان میں بتایا گیا ہے کہ گذشتہ روز غیر قانونی صہیونی ریاست کی نام نہاد سیکیورٹی فورسز نے مقبوضہ مغربی کنارے کے شہر اریحا میں عقبات جابر پناہ گزین کیمپ پر چھاپہ مار کارروائی کی اس دوران روایتی لوٹ مار کے ساتھ شہریوں کو تشدد کا نشانہ بنایاگیا جس کے جواب میں فلسطینی نوجوانوں نے مزاحمت کرتے ہوئے غاصب فورسز پر پتھرا ؤ کیا ۔
غاصب فورسز نے مظاہرین کو منتشر کرنے کےلئے آنسو گیس کی شیلنگ کے ساتھ براہ راست فائرنگ کی جس کے نتیجے میں سترہ سالہ نوجوان جبريل محمد كمال اللدعہ شہید جبکہ دیگر آٹھ زخمی ہوگئے جن میں سے تین کی حالت تشویشناک بتائی جارہی ہے۔
واضح رہے کہ روان سال کے آغاز سے اب تک صہیونی ریاست کی دہشتگردی میں خواتین اور بچوں سمیت 101 فلسطینی شہید اور درجنوں زخمی ہو چکے ہیں۔