(روز نامہ قدس ۔آنلائن خبر رساں ادارہ )ایران کے وزیر خارجہ کا حماس کے سیاسی بیورو کے سربراہ سے رابطہ دونوں فریقوں نے صیہونی حکومت کی حالیہ جارحیت کے جواب میں مزاحمتی محور کی حالیہ فتوحات کے بارے میں نقطہ نظر کا تبادلہ کیا۔
غیر ملکی خبر رساں ادارے کی رپورٹ کے مطابق فلسطین پر قابض غیر قانونی صہیونی ریاست اسرائیل کے مظالم کے خلاف برسرپیکار اسلامی مزاحمتی تحریک حماس کے سیاسی شعبہ کے سربراہ اسماعیل ھنیہ کے ساتھ ایرانی وزیر خارجہ حسین عبداللہیان کا ٹیلی فونک رابطہ ہوا ہے، ایرانی وزیر خارجہ نے صیہونی دشمن کے خلاف جنگ میں مزاحمتی محاذ کی کامیابیوں پر مبارکباد پیش کرتے ہوئے شہداء کی تعریف کرتے ہوئے کہا کہ فلسطینی خواتین اور بچوں کو شہید کرنے کے صیہونیوں کے جرائم حکومت کی کمزوری اور مایوسی کی علامت ہیں۔
دونوں رہ نماؤں نے عیدالفطر کی مبارکبادوں کا تبادلہ کیا۔ ایرانی وزیر خارجہ نے فلسطینی عوام کی استقامت کی تعریف کرتے ہوئے فلسطینی مزاحمت پر فخر کا اظہار کرتے ہوئے کہا کہ ایران القدس کو مرکزی مسئلہ سمجھتا ہے اور اس میں ہونے والی صہیونی جارحیتوں اور طرز عمل پر مسلسل نظر رکھے ہوئے ہے۔
انہوں نے حماس کے قائد کو تہران کے دورے کی دعوت دی اور مزید تفصیلات اور موجودہ پیش رفت پر تبادلہ خیال کے لیے ایرانی قیادت سے ملاقات کی دعوت پیش کی۔
اسماعیل ھنیہ نے دعوت کو قبول کرنے اور جلد ہی تہران جانے کے ارادے کی تصدیق کرتے ہوئے اس دعوت کے لیے ایرانی وزیرخارجہ کا شکریہ اداکیا۔