جنین: صہیونی فورسز کی فائرنگ، بچے سمیت متعددفلسطینی زخمی

(روز نامہ قدس ۔آنلائن خبر رساں ادارہ )صہیونی فوج کی  30 سے زائد گاڑیاں "پناہ گزین کیمپ سالم” پر دھاوا بولا ، اس دوران علاقے کی بجلی کاٹ دی گئی ،  علاقے میں فائرنگ کی اور زخمیوں کو طبی امداد کے لئے پہنچنے والی ایمبولینسوں کی کیمپ تک رسائی میں رکاوٹیں ڈال کر اس پر گولیاں برسائیں۔

فلسطینی ذرائع کی جانب سے حاصل معلومات کے مطابق غیر قانونی صہیونی ریاست اسرائیل کی نام نہاد سیکیورٹی فورسز نے آج جمعہ کی صبح مقبوضہ غرب اردن کے شہر جنین میں پناہ گزین کیمپ سالم پر دھاوا بولا  ، صہیونی فوجی ریڈیو نے الزام عائد کیا ہے کہ اسرائیلی فوج کو انتہائی مطلوب افراد کی موجودگی کی اطلاعات ملیں تھی جس کی بنیاد پر آپریشن کیا گیا۔

ذرائع کا کہنا ہے کہ صہیونی فورسز نے پناہ گزین کیمپ پر دھاوا بولا اور اندادھند فائرنگ کی  جس کے نیتجے میں ایک 17 سالہ  بچے سمیت  12فلسطینی زخمی ہوگئے۔