(روز نامہ قدس ۔آنلائن خبر رساں ادارہ ) فلسطینی مزاحمت کارنے تل ابیب کی مرکزی شاہراہ پر تصريفين فوجی بیس کے قریب دو صہیونی فوجیوں کو نشانہ بنایا ،حملہ آور گرفتار ، ساتھی بہ آسانی فرار ہوگئے۔
غیر قانونی صہیونی ریاست اسرائیل کے ذرائع ابلاغ کےمطابق گذشتہ روز صہیونی ریاست کے دارالحکومت تل ابیب میں مرکزی شاہراہ پر تصريفين فوجی بیس کے قریب مقبوضہ مغربی کنارے کےتاریخی شہر الخلیل سے تعلق رکھنےوالے 20 سالہ فلسطینی نوجوان ڈیو ٹی پر موجودصہیونی فوجیوں پر تیز دھار آلے سے حملہ کیا جس کے نتیجے میں دو فوجی زخمی ہوگئے۔
اسرائیلی فوج کے بیان کے مطابق ایک زخمی کو معمولی زخم آئے ہیں جبکہ ایک کی حالت تشویشناک ہے۔ ترجمان کے مطابق گاڑی میں میں سوار تین افراد نے فوجی چوکی کے قریب گاڑی روکی اور بیس سالہ نوجوان نے فوجیوں پر حملہ کیا ، حملے کے بعد حملہ آور کو گرفتار کرلیا گیا جبکہ اس کے دو ساتھی فرار ہونے میں کامیاب ہوگئے ہیں۔