(روز نامہ قدس ۔آنلائن خبر رساں ادارہ )غاصب فوج نے ایک جانب بمباری شروع کی تو دوسری جانب صیہونی فوج کے بلڈوزروں نے غزہ میں گھس کر زرعی زمین ہمورار کرتے ہوئےچندگھروں کو بھی مسمار کردیا۔
مقامی ذرائع کے مطابق غیر قانونی صیہونی ریاست کی نام نہاد فوج نے گذشتہ روز سولہ سالوں سے غیر قانونی ناکہ بندی کا شکار شہر غزہ کے سرحدی علاقے میں بمباری کی ، جس کے نتیجے میں کم سے کم 6 گھروں اور 4 دکانوں کو نقصان ہوا جبکہ اس بربریت میں دو شہری زخمی ہوئے۔
ذرائع نے بتایا کہ غاصب فورسز نے علی الصبح غزہ کے سرحدی علاقے خان یونس میں فوجی بلڈوزروں کے ساتھ داخل ہونے اور چند گھروں کو مسمار کردیا جبکہ فلسطینوں کی زرعی زمینوں کو بھی ہموار کردیا۔
غزہ کی پٹی کے مشرقی مضافات میں، وقتاً فوقتاً قابض افواج کی طرف سے محدود دراندازی اور فائرنگ، زرعی زمینوں اور کسانوں کو نشانہ بنایا جاتا ہے۔