(روز نامہ قدس ۔آنلائن خبر رساں ادارہ ) سیکڑوں آباد کاروں نے مقبوضہ بیت المقدس کے مختلف علاقوں میں نام نہاد یہودی "مذہبی تہوار ” منانے کے بہانے شہر میں اشتعال انگیز مارچ کے ساتھ فلسطینیوں پر حملے کئے ان کی املاک کو نقصان پہنچایا۔
ذرائع کے مطابق گذشتہ روز سیکڑوں غیرقانونی صیہونی آبادکاروں نے اسرائیلی فوج کے حفاظتی حصار میں مقبوضہ بیت المقدس اور غرب اردن کے مختلف علاقوں میں فلسطینیوں پر منظم حملے لئے ۔
الخلیل میں یہود آباد کاروں نے شام کے وقت شہر کے مرکز میں تل رمیدہ محلے، الشہدا اسٹریٹ، السہلہ، وادی الحسین، اور الجابر محلے کے شہریوں پر حملہ کیا، صیہونی آباد کاروں نے شہریوں پر براہ راست گولیاں چلائیں، ان پر پتھر پھینکے اور ان پر کالی مرچ گیس اور بجلی کے جھٹکے لگائے۔تشدد سے متعدد فلسطینی بے ہوش ہوگئے۔
سماجی کارکن عماد ابو شمسیہ نے کہا کہ آباد کاروں نے خان شاہین محلے پر دھاوا بول دیا، ایک گاڑی کی توڑ پھوڑ کی اور اس میں موجود مسجد پر حملہ کرنے کی کوشش کی۔
اس کے علاوہ قابض فوج نے دو بھائیوں ہادی اور ہانی ابو سنینا اور نوجوان محمد النوجعہ کو بنی دار محلے میں ان کے گھروں سے گرفتار کر کے شدید زدوکوب کیا۔نابلس میں منگل کو نابلس کے مشرق میں واقع قصبے ناصریہ میں آباد کاروں کے حملے میں دو شہری زخمی ہوئے۔
آباد کاروں نے سرحان دویکات پر پتھروں اور لاٹھیوں سے حملہ کیا، اس کے چہرے اور پاؤں پر زخم آئے اور ایک اور شہری کو پاؤں میں چوٹیں لگیں۔