(روز نامہ قدس ۔آنلائن خبر رساں ادارہ ) صیہونی فورسز نے فلسطینیوں کے خلاف کارروائیوں کے دوران رہائیشی علاقوں سمیت اسکولوں کو بھی بدترین شیلنگ کا نشانہ بنایا۔
فلسطینی ذرائع ابلاغ کی رپورٹ کے مطابق غیر قانونی صیہونی ریاست اسرائیل کی نام نہاد سیکیورٹی فورسز نے گذشتہ روز مقبوضہ مغربی کنارے کے شہر رام اللہ کے مختلف علاقوں میں فلسطینیوں کے گھروں پر دھاوا بولا، غاصب فورسز کے غیر قانونی اقدامات کےخلاف فلسطینیوں نے احتجاج کیا اورصیہونی فورسز پر پتھراؤ کیا۔
اسرائیلی فورسز نے احتجاج کرنے والے فلسطینیوں پر طاقت کا بھرپوراستعمال کرتے ہوئے بدترین شیلنگ کی، اسرائیلی فوج نے رہائشی علاقوں سمیت اسکول کو بھی شیلنگ کا نشانہ بنایا جس کے باعث متعدد طلباء کی حالت غیر ہوگئی۔
اسرائیلی فوج کی شیلنگ سے متعدد فلسطینی زخمی جبکہ غاصب فورسز نے دو خواتین سمیت درجنوں فلسطینیوں کو حراست میں لے لیا۔