صیہونی آبادکاروں کا حملہ درجنوں گاڑیاں متعدد مکانات جلادئیے، ایک فلسطینی شہید متعدد زخمی

(روز نامہ قدس ۔آنلائن خبر رساں ادارہ ) اشرپسند مسلح آبادکاروں نے گاڑیوں ، گھروں سمیت فلسطینیوں کے کاروباری مراکز کو بھی آگ لگادی  ، حملے میں 10 سے زائد فلسطینی زخمی۔

تفصیلات کے مطابق مقبوضہ مغربی کنارے کے شہر نابلس کے قصبے حوارہ میں گذشتہ روز غیر قانونی شرپسند صیہونی آبادکاروں کے ایک گروپ نے حملہ کیا اور فلسطینیوں کی گاڑیوں گھروں اور کاروباری مراکز کو آگ لگادی۔

حوارہ  میونسپلٹی  کی جانب سے جاری کردہ رپورٹ کے مطابق شرپسند مسلح آبادکاروں کے حملے میں 36 گاڑیاں مکمل طورپر تباہ ہوگئیں ، پانچ گھر اور آٹھ دکانوں سمیت دو بڑے اسٹورز کو بھی تباہ کردیا گیا۔

فلسطینی طبی ماہرین نے بتایا کہ صیہونی آبادکاروں کے حملے میں ایک فلسطینی شہید ہوا جبکہ 10 سے زائد زخمی ہوئے ہیں جن میں سے چار تشویشناک حالت میں اسپتال منتقل کئے گئے ہیں۔