(روز نامہ قدس ۔آنلائن خبر رساں ادارہ ) فلسطین میں اسرائیل ریاستی دہشتگردی سے ”فلسطینی بچے سب سے بھاری قیمت چکا رہے ہیں۔ ادارے کو خدشہ ہے کہ نازک حالات سے بچوں کی ذہنی حالت متاثر ہو رہی ہے۔”
اقوام متحدہ کے ادارہ برائے اطفال (یونیسف) نے مقبوضہ فلسطین میں غیر قانونی صیہونی ریاست اسرائیل کی نام نہاد سیکیورٹی فورسز کی جانب سے جاری ریاستی دہشتگردی پر تشویش کا اظہار کرتےہوئے کہا ہے کہ مقبوضہ فلسطین میں اسرائیلی دہشتگردی سے فلسطینی بچے براہ راست متاثر ہورہے ہیں ،ادارے نے فریقین سے اپیل کی ہے کہ وہ تناؤ میں کمی لائیں اور تشدد سے پرہیز کریں۔
واضح رہے کہ نئے سال 2023 کے آغاز سے اب تک غیر قانونی صیہونی ریاست کے ریاستی دہشتگردی میں اب تک ایک بزرگ خاتون اور سات بچوں سمیت 30 فلسطینی شہید ہوچکے ہیں
2022 میں مغربی کنارے اور اسرائیل میں ایسے ہی واقعات میں 150 سے زیادہ فلسطینیوں اور 20 اسرائیلیوں کی ہلاکتیں ہوئیں۔
سیکرٹری جنرل اور اقوام متحدہ کے اعلیٰ سطحی حکام نے گزشتہ ہفتے ہونے والی ہلاکتوں کی مذمت کرتے ہوئے فریقین کو تشددسے باز رہنے اور امن مذاکرات کی جانب واپس آنے کے لیے کہا ہے۔