(روز نامہ قدس ۔آنلائن خبر رساں ادارہ ) غاصب صیہونی فورسز کی ریاستی دہشتگردری میں رواں سال کے آغاز سے اب تک پانچ بچوں اور ایک خاتون سمیت 30 بے گناہ فلسطینیوں کو شہید درجنوں کو زخمی اور سیکڑوں کو گرفتار کیا جاچکا ہے۔
فلسطینی ذرائع ابلاغ کے مطابق عالمی برادری کی مجرمانہ خاموشی اور امریکہ اور یورپ کی مجرمانہ پشت پناہی کے باعث غیرقانونی صیہونی ریاست کی نام نہاد سیکیورٹی فورسز کے نہتے فلسطینیوں کے ساتھ وحشیانہ کارروائیاں گذشتہ ستر سالوں سے جاری ہیں تاہم گذشتہ ایک سال کے دوران فلسطینیوں کے خلاف صیہونی ریاستی دہشتگردی میں غیر معمولی اضافہ دیکھنے میں آیا ہے۔
صیہونی فورسز نے گذشتہ روز مقبوضہ مغربی کنارے کے شہر جنین میں ریاستی دہشتگردی میں ایک معمر خاتون سمیت نو فلسطینیوں کو شہید کیا ، شہداء میں شہدامیں 18سالہ عبداللہ مروان الغول، 40 سالہ معتصم محمود ابو الحسن ، 22سالہ وسیم امجد عارف الجعس، 25 سالہ نورالدین سمیع غونیم، 28 سالہ محمد سمیع غونیم، 30سالہ محمد محمود سوب، 24سالہ صائب عصام زیریقی، 22سالہ عزالدین یاسین صلاحت، 61 سالہ معمر خاتون ماجدہ عبید اور 22 ساکی یوسف یحییٰ عبدالکریم محیسن شامل ہیں۔