(روز نامہ قدس ۔آنلائن خبر رساں ادارہ ) اسرائیلی عدالت نے اسکول کو مسمار کرنے کے لئے صیہونی فوج کو 10 دن کی مہلت دی ہے۔
مقبوضہ مغربی کنارے کے شہر الخلیل کے قصبے مسافر یطا کی کونسل کے سربراہ نضال یونس نے بتایا کہ غیر قانونی صیہونی ریاست اسرائیل کی عدالت نے سنہ 2022 میں ایکشن اگینسٹ ہنگر فاؤنڈیشن اور یورپی یونین کے مالی تعاون سے تعمیر کیا گیاخشیم الکرم ایلیمنٹری اسکول کو غیر قانونی قرار دیتے ہوئے مسمار کرنے کا حکم دیا ہے ۔
انھوں نے بتایاکہ کہ صیہونی حکومت نے اسکول کو مسمار کرنے کے خلاف جاری کیا گیا سابقہ حکم امتناعی منسوخ کرتے ہوئے اسرائیلی قابض فوج کو اسے منہدم کرنے کے لیے 10 دن کی مہلت دی ہے جس میں مقامی بدو برادریوں کے تقریباً 50 سے زائد بچے زیر تعلیم ہیں۔