(روز نامہ قدس ۔آنلائن خبر رساں ادارہ ) فلسطینی استاد جواد بواقنا اور نوجوان ادھم جبرین کو غاصب صہیونی فوج نے جنین کیمپ پر فوجی چھاپے کے دوران گولیاں مار کر شہید کیا۔
فلسطینی ذرائع ابلاغ کےمطابق مقبوضہ مغربی کنارے کے شہر جنین میں آج صبح غیر قانونی صہیونی ریاست کی نام نہاد سیکیورٹی فورسز نے دھاوا بولا اور چھاپہ مار کارروائی کے دوران روایتی لوٹ مار کرتے ہوئے فلسطینیوں کو تشدد کانشانہ بنایا۔
صیہونی فورسز نے اس دوران 58 سالہ ماہر تعلیم جواد فرید حسین بواقنا اور 26 سالہ ادھم محمد باسم جبرین کو گولیاں مار کرشہید کردیا، عینی شاہدین کا کہنا ہے کہ دونوں کو صیہونی فوج کے خفیہ تعینات اسنائپرز نے نشانہ بنایا۔