(روز نامہ قدس ۔آنلائن خبر رساں ادارہ ) الخلیل کے شمال میں حلحول کے قریب صیہونی آبادکاروں کی بس کو نشانہ بنانے کے بعد مزاحمت کار بحفاظت فرارہوگئے۔
غیر قانونی صہیونی ریاست اسرائیل کے عبرانی نیوز چینل 12 کی رپورٹ کےمطابق گذشتہ روز مقبوضہ مغربی کنارے کے شہر الخلیل کے شمال میں حلحول کے مقام پر "کرمی زور” موڑ کے قریب فلسطینی مجاہدین نے غیر قانونی صہیونی آبادکاروں کی ایک بس پر فائرنگ کی اور مزاحمت کار کارروائی کے بعد بہ حفاظت فرار ہوگئے۔
رپورٹ کے مطابق حملے میں تین صہیونی آبادکار معمولی زخمی ہوئے ہیں واقع کے بعد غاصب فورسز نے فائرنگ کے مقام پر کمک بھیجی اور بیت امر اور حلحول قصبوں کے داخلی راستے بند کردیئے۔