(روز نامہ قدس ۔آنلائن خبر رساں ادارہ ) فرانسیسی رکن پارلیمنٹ نے اسرائیل کی جانب سے فلسطینیوں کے گھروں کی مسماری کی مذمت کرتے ہوئے انسانی حقوق کی سنگین خلاف ورزیوں پر تشویش کا اظہار کیاہے۔
سماجی رابطوں کی ویب سائٹ ٹوئٹر پر اپنے پیغام میں فرانسیسی نائب ہینڈرک ڈیوی نے صیہونی فوج کے ہاتھوں اتوار کے روز فلسطینیوں کے گھروں کو غیر قانونی قرار دیتے ہوئے مسمار کرنے کے عمل کی شدید الفاظ میں مذمت کرتے ہوئے کہا ہے کہ اسرائیل کے انسانی حقوق کے خلاف اقدامات ناقابل قبول ہیں۔
Israël a informé les Palestiniens de Masafer Yatta (Sud d’Hébron) de leur expulsion imminente, environ 1000 Palestiniens de Masafer Yatta vont être expulsé : la colonisation se poursuit : une réaction de la France @MinColonna ? https://t.co/SikEGjuv0M
— Hendrik Davi (@hendrik_davi) January 7, 2023
واضح رہے کہ غیر قانونی صہیونی ریاست کی فوج نے گذشتہ اتوار کو پانچ فلسطینی خاندانوں کے گھروں کو غیر قانونی قرار دیتے ہوئے مسمار کردیا تھا جبکہ نئی انتہائی دائیں بازوں کی صہیونی حکومت نے مقبوضہ مغربی کنارے اور جنوبی الخلیل کے مختلف علاقوں میں فلسطینیوں کے گھروں کو مسمار کرنے کے لئے نوٹسز جاری کردیئے ہیں۔