(روز نامہ قدس ۔آنلائن خبر رساں ادارہ )صہیونی فوج نے احتجاج کرنے والے فلسطینیوں پر براہ راست فائرنگ کی، آدم عصام عیاد کے سینے میں دو گولیاں لگیں۔
آج صبح مقبوضہ مغربی کنارے کے شہر بیت لحم کے دھیشیہ پناہ گزین کیمپ صہیونی فورسز نے سرچ آپریشن کے نام پر فلسطینوں کے گھروں میں لوٹ مار شروع کی جس کے خلاف فلسطینی نوجوانوں نے مزاحمت کی ،صیہونی فورسز نے احتجاج کرنے والے نوجوانوں کو منتشر کرنے کے لئے طاقت کا بھرپور استعمال کرتے ہوئے آنسو گیس کی شیلنگ اور براہ راست فائرنگ کی جس کی زد میں آکر 14 سالہ آدم عصام عیاد شہید ہوگیا ۔
شہید آدم عصام عیاد کی نماز جنازہ بیت جالہ میں سرکاری اسپتال کے سامنے جامع مسجد عظیم میں ادا کی گئی جہاں ہزاروں افراد نے شرکت کی ، شہید کے جسد خاکی کو ارطاس کے درمیان شہداء کے قبرستان میں سپرد خاک کردیا گیا۔