فلسطینی بچی کی شہادت پر کوئی افسوس نہیں، صہیونی کمانڈر کی ہٹ دھرمی

(روز نامہ قدس ۔آنلائن خبر رساں ادارہ )  صہیونی کمانڈر نے دنیا کی آنکھو ں میں دھول جھونکتے ہوئے کاکہنا ہے کہ ہمارے فوجیوں نے اخلاقیات، اقدار، ہمت، عزم کے ساتھ کام کیا اور انسانی جانیں بچائیں۔ ’’اس کے لیے میں انہیں سلام کرتا ہوں۔‘‘

غیر قانونی صہیونی ریاست اسرائیل کی نیم فوجی سرحدی پولیس کے کمانڈر، امیر کوہن نے گذشتہ روز ایک تقریب سے خطاب کرتے ہوئے  پوری دنیا کی آنکھوں میں دھول جھونکتے ہوئے اتوار کے روز مقبوضہ مغربی کنارے کے شہر جنین میں صہیونی فورسز کے ہاتھوں  اپنے گھر کی چھت پر موجود  16 سالہ فلسطینی بچی جنی مجدی عصام  زکارنا کی شہادت کو  جنگ کا نظام قرار دیتے ہوئے کہا ہے کہ ان کی افواج "جنگ کی دھند” میں کام کر رہی ہیں اور فائرنگ کی زد میں رہتے ہوئے الگ الگ فیصلے کرنے پر مجبور ہیں۔

واضح رہے کہ فلسطینی بچی کو چار گولیاں ماری گئیں ایک گولی اس کے سرپر لگی جو جان لیوا ثابت ہوئی  یہ تمام گولیاں اسنائپرز  نے ماری تھی جو اس بات کی دلیل ہے کہ یہ دانستہ کارروائی تھی۔

رواں سا ل مقبوضہ مغربی کنارے اور مشرقی بیت المقدس میں غاصب صہیونی افواج کے ہاتھوں تقریباً 150 فلسطینی  شہید کئے جاچکے ہیں، جو 2006 کے بعد سب سے مہلک سال ہے۔