(روز نامہ قدس ۔آنلائن خبر رساں ادارہ ) مزاحمت کاروں نے صہیونی فوج کی گاڑی پر فائرنگ کی جس میں فوجیوں کے زخمی ہونے کی اطلاعات ہیں تاہم اس کی تصدیق صہیونی فو ج کی جانب سے نہیں کی گئی۔
فلسطین پر قابض صہیونی ریاست اسرائیل کے عبرانی زبان کے ایک اخبار یعدیوت احرنوت نے اپنی رپورٹ میں انکشاف کیا ہے کہ مقبوضہ مغربی کنارے میں گذشتہ چوبیس گھنٹوں کے دوران فلسطینی مزاحمت کاروں نے سترہ خطرناک کارروائیاں کی ہیں جن میں چار مختلف علاقوں میں صہیونی فورسز کو فائرنگ کا نشانہ بنایا ۔
رپورٹ میں انکشاف کیا گیا ہے کہ اسرائیلی فوج پر فائرنگ کا واقعہ الجلمہ چوکی پر پیش آیا جہاں مزاحمت کاروں نے تیز رفتار گاڑی سے فائرنگ کی جس میں بعض فوجی زخمی ہوئے تاہم صہیونی فوج کی جانب سے واقع کی تصدیق نہیں کی گئی.