صہیونی آبادکاروں کامعذور فلسطینی کی دوکان پر حملہ

(روز نامہ قدس ۔آنلائن خبر رساں ادارہ ) نوآبادیاتی اسرائیلی آباد کاروں نے گذشتہ روز  مقبوضہ بیت المقدس کے شہر الخلیل  کے وسط میں تل رومیدا کے علاقے میں ایک معذور فلسطینی شخص کی دکان پر حملہ کیا۔

مقامی میڈیا ذرائع نے اطلاع دی ہے کہ تل رومیدہ قصبے میں غضب  شدہ فلسطینی اراضی پر قائم غیر قانونی صہیونی  بستی رامات یشائی کے صہیونی  آباد کاروں نے 19 سالہ معزور فلسطینی حمدی یحییٰ کی دکان پر چھاپہ مارا اور اسے زدوکوب کیا ۔

حال ہی میں مقبوضہ مغربی کنارے میں فلسطینی شہریوں کی اپنی املاک پر اسرائیلی آباد کاروں کے حملوں میں اضافہ ہوا ہے جس میں فلسطینیوں کے گھروں پر حملے، ان کی گاڑیوں کو توڑ پھوڑ اور ان کی سڑکیں بلاک کرنا شامل ہیں۔

اقوام متحدہ کی رپورٹوں کے مطابق، 2022 کے آغاز سے، اسرائیلی آباد کاروں نے مقبوضہ مغربی کنارے میں فلسطینیوں اور ان کی اپنی املاک پر 290 سے زائد حملے کیے ہیں، جن میں سے 230 میں املاک کو نقصان پہنچا، اور ان میں سے 60 فلسطینی باشندوں کے زخمی ہوئے۔

650,000 سے زیادہ نوآبادیاتی آباد کاروں کو مقبوضہ مغربی کنارے اور یروشلم کی چوری شدہ زمینوں پر تعمیر کی گئی 164 غیر قانونی بستیوں اور 124 چوکیوں میں تقسیم کیا گیا۔

مغربی کنارہ اور یروشلم کی زمینیں بین الاقوامی قوانین کی بنیاد پر مقبوضہ علاقے ہیں جس کی وجہ سے وہاں اسرائیلی بستیوں کی تعمیر کی تمام سرگرمیاں غیر قانونی ہیں۔