(روز نامہ قدس ۔آنلائن خبر رساں ادارہ ) گذشتہ ایک سال کے دوران صہیونی آبادکاروں نے فلسطینیوں اور ان کی املاک کے خلاف 159 حملے کیے تھے۔
کالونائزیشن اینڈ وال ریزسٹنس کمیشن کی رپورٹ کے مطابق گذشتہ روز غیر قانونی صہیونی مسلح آبادکاروں کے ایک گروپ نے شمالی مقبوضہ مغربی کنارے کے علاقے سلفیت کے مغرب میں واقع بروقین قصبے میں محمد فواز مصطفیٰ عبدالجلیل کی ملکیت باغ پر حملہ کیا اور زیتون کے درجنوں درخت کاٹ ڈالے جب کہ دیگر آباد کاروں نے رام اللہ کے شمال میں واقع قصبے "سنجل” میں فلسطینی کسانوں پر پتھراؤکیا۔
مقامی ذرائع کاکہنا ہے کہ آبادکاروں نے جس باغ پر حملہ کیا وہ "ایریل ویسٹ” سیٹلمنٹ انڈسٹریل زون سے ملحق ہے اور مکمل طورپر اسرائیلی فوج کے کنٹرول میں ہے جہاں آباد کاروں نے سات سال پرانے 40 سے زائد زیتون کے درخت کاٹ دیے۔
دوسری جانب صہیونی آباد کاروں نے مقبوضہ مغربی کنارے میں رام اللہ کے شمال میں واقع قصبے سنجل میں کسانوں پرپتھراو کیا اور ان کام کرنے سے روک دیا۔