(روز نامہ قدس ۔آنلائن خبر رساں ادارہ ) کویتی اراکین پارلیمنٹ کا فلسطینیوں کے خلاف صیہونی جرائم کو بے نقاب کرنے اور مجرموں کے خلاف بین الاقوامی فوجداری عدالتوں میں مقدمہ چلانے کا مطالبہ۔
تفصیلات کے مطابق فلسطینی عوام کے ساتھ یکجہتی کے عالمی دن کے موقع پر کویتی قومی اسمبلی ے 42 اراکین نے "فلسطینی عوام کے ساتھ یکجہتی کے عالمی دن” کے موقع پر ایک مشترکہ بیان جاری کیا، جس میں انہوں نے فلسطینی عوام کی حمایت کرتے ہوئے کہا ہے کہ "ہم فلسطینیوں کے جہاد اور تحریک آزادی کے ساتھ جڑے رہنے، اپنے حقوق کی فراہمی کے لئے کی جانے والی مزاحمت کے لیے اپنی حمایت کی تجدید اور تصدیق کرتے ہیں اور قابض ریاست کے ساتھ تعلقات کو معمول پر لانے کی کوششوں کو مسترد کرتے ہیں۔
اراکین قومی اسمبلی نے کہا کہ نسل پرست اور دہشت گرد صہیونی قابض ریاست کے جرائم فلسطینی عوام، ان کی سرزمین اور مقدسات کے خلاف جاری ہیں ، ہم صیہونی جرائم کو بے نقاب کرنے اور مجرموں کے خلاف بین الاقوامی فوجداری عدالتوں میں مقدمہ چلانے کا مطالبہ کرتے ہیں۔