(روز نامہ قدس ۔آنلائن خبر رساں ادارہ ) فلسطینی نوجوان طلبہ قابض صہیونی فورسز کا خصوصی ہدف بنے ہیں ، جس کا مقصد فلسطینیوں کو حق خودارادیت سے دور کرنا ہے تاہم صہیونی ریاست کی تمام تر ریاستی دہشتگردی کےباوجود فلسطینوں کے حوصلے بلند ہیں۔
فلسطینی ذرائع ابلاغ کے مطابق غیر قانونی صہیونی فورسز نے گذشتہ روز طولکرم میں قائم ٹیکنیکل یونیورسٹی کدوری پراچانک حملہ کیا اور آنسو گیس کی شیلنگ کے ساتھ فائرنگ شروع کر دی، جس کے نتیجے میں کثیر تعداد میں فلسطینی طلباء بے ہوش ہوگئے۔
غاصب فوجیوں نے یونیورسٹی میں گھس کر تشدد کیا جس کے بعد طلبہ اور قابض فوجیوں کے درمیان جھڑپیں شروع ہو گئیں۔ اس دوران قابض فوج نے اندھا دھند آنسو گیس کا استعمال کرنے کے علاوہ ربڑ کی گولیاں بھی چلائیں اور فائرنگ بھی کی۔
ذرائع کے مطابق صہیونی فوج کی جانب سے کی جانے والی ریاستی دہشتگردی میں متعدد طلبہ بے ہوئے جبکہ اسرائیلی فوجیوں نے درجنوں کو گرفتار بھی کیا۔