حال ہی میں جرمنی میں یورپ میں مقیم فلسطینی کمیونٹی کے زیراہتمام ایک فٹ بال چیمپئن شپ کا انعقاد کیا گیا. جرمنی کے شہر”کاسل” میں کھیلے گئے اس میچ کا نام ترکی کے غزہ کے لیے امدادی جہاز فریڈم فلوٹیلا کے نام "فریڈم فلوٹیلا چیمپئن شپ” رکھا گیا. میچ میں جرمنی سمیت کئی دیگر یورپی ممالک میں مقیم فلسطینی اطباء، طلبا اور دیگر شعبوں سے وابستہ افراد کی پانچ ٹیموں نے حصہ لیا. اس دوران بیرون ملک فلسطینی کمیونٹی کے درمیان ایک دوسرے سے یکجہتی کا بہترین مظاہرہ دیکھنے میں آیا، فٹ بال گراٶنڈ میں پانچوں ٹیموں کی قیام گاہوں کو فلسطینی مہاجرین کے کیمپوں سے موسوم کیا گیا تھا. ان میں ، وحدات، نیرب،، جنین، شاتیلا اور شاطی ٹیمیں شامل تھیں.خیال رہے کہ مذکورہ نام ان بڑے فلسطینی مہاجر کیمپوں کے ہیں جن میں قیام پذیر فلسطینیوں کو فلسطین پر اسرائیل کے قبضے کے دوران ان کے گھروں سے نکال دیا گیا تھا. میچ دیکھنے کے لیے عرب ممالک کے شہریوں،فلسطینی کمیونٹی، یورپ میں مقیم دیگر مسلم ممالک کے شہریوں سمیت یورپین شہریوں کی بھی بڑی تعداد نے شرکت کی.