صہیونی فوج کی فائرنگ، دوفلسطینی زخمی، چار بچوں سمیت سات کو اغوکرلیا

(روز نامہ قدس ۔آنلائن خبر رساں ادارہ ) صہیونی فوج نے دونوں فلسطینی نوجوانوں  کو بغیر کسی انتباہ کے گولیاں مار کر زخمی کیا گیا اس کے بعد گرفتار کرکے اپنے ہمراہ لے گئے۔

عینی شاہدین کا کہنا ہے کہ گذشتہ روز مقبوضہ بیت المقدس کے شہر بیت لحم میں صبح سویرے غیر قانونی صہیونی فورسز نے فوجی چیک پوسٹ کے قریب سے گزرنے والے ایک نوجوان کو گولی مار کر زخمی کیا اور پھر  زخمی حالت میں ہی حراست میں  لے کر نامعلوم مقام پر منتقل کردیا۔

دوسرا واقعہ الخلیل شہر میں پیش آیا جہاں صہیونی فورسز نے ایک اور فلسطینی نوجوان کو بغیر کسی انتباہ کے گولی مار کر زخمی کیا اور حراست میں لے کر نامعلوم مقام پر منتقل کردیا، دونوں نوجوانوں کی شناخت نہیں ہوسکی ہے اور نا ہی صہیونی فورسز کی جانب سے کوئی اطلاعات فراہم کی گئیں۔

دوسری جانب غیر قانونی صہیونی فورسز نے عین اللوزا، بیر ایوب اور ایزنا ٹاون سے  چار بچوں  اور دو باپ بیٹوں  سمیت سات فلسطینیوں کو اغواکرلیا۔