(روز نامہ قدس ۔آنلائن خبر رساں ادارہ ) اسرائیل کی جانب سے جاری طویل محاصرے کی وجہ سے گنجان آباد شہر میں آگ بجھانے والے آلات کی کمی حاد ثے کی وجہ بنی ۔
ڈرامہ سیریز گیم آف تھرونز سے بین الاقومی شہرت حاصل کرنےوالی برطانوی اداکارہ لینا کیتھرین ہیڈی نے مقبوضہ فلسطین کے محصور شہر غزہ میں آتشزدگی کے باعث اکیس افراد کے جاں بحق ہونے والے پر افسوس کا اظہا رکرتے ہوئے کہا ہے کہ اسرائیل کی جانب سے جاری طویل محاصرہ اس سانحے کا ذمہ دار ہے۔
سماجی رابطوں کی ویب سائٹ ٹوئٹر پر انھوں نے ایک پوسٹ کی جس کو تھوڑی دیر بعد ڈلیٹ کردیا گیا ، اس پوسٹ میں انھوں نے غزہ میں آتشزدگی کے واقع کا ذمہ دار اسرائیل کو قرار دیتے ہوئے کہا ہے کہ غزہ کی گنجان آبادی گذشتہ ساڑھے پندرہ سالوں سے اسرائیلی محاصرے میں ہے یہاں کے شہریوں کو باہر جانے کی اجازت نہیں ہے جس کے باعث آبادی میں غیر معمولی اضافہ ہوا ہے ، آگ لگنے کے بعد ہ فائر بریگیڈ کی ٹیمیں متاثرہ علاقے میں پہنچنے میں ناکام رہیں جس کے باعث قیمتی جانوں کا نقصان ہوا۔