(روز نامہ قدس ۔آنلائن خبر رساں ادارہ ) حماس کے رہنما نے کہا ہے کہ شہید محمد مراد صوف کی بہادارانہ کارروائی جس میں تین صہیونی مارے گئے اور تین زخمی ہوئے ہیں واضح پیغام ہے کہ فلسطینی خون کے آخری قطرے تک اپنی سرزمین کے لئے جانیں قربان کرتے رہیں گے۔
مقبوضہ فلسطین میں صہیونی ریاستی دہشتگردی کے خلاف برسرپیکار اسلامی مزاحمتی تحریک حماس کے مغربی کنارے اور بیت المقدس کے سینئر رہنما شیخ مصطفیٰ ابو عرہ نے آج صبح سلفیت میں شہید محمد مراد صوف کی بہادرانہ کارروائی کو خراج عقیدت پیش کرتے ہوئے کہا ہے کہ قابض ریاست کو سمجھ لینا چاہئے کہ ظلم اور استبداد سے فلسطینیوں کو ان کے ملک سے بے دخل نہیں کیا جاسکتا ہے اور فلسطین پر قبضہ نہیں رکھا جاسکتا ہے، فلسطین کے شہریوں میں سے جب تک ایک بھی موجود ہے وہ غاصب صہیونی ریاست کے خلاف ایسے ہی بہادری سے لڑتا رہے گا۔
انھوں نے کہا کہ سلفیت آپریشن فلسطین کے شیروں اور اس کے ہیروز کی کارروائیوں کے سلسلے کے تسلسل کے طور پر سامنے آیا ہے،انھوں نے کہا کہ یہ حملہ ایک پیغام ہے کہ "آپ کے پاس فیصلہ کرنے کا کوئی اختیار نہیں ہے ، ہم اس زمین کے مالک ہیں اور ہمارے درمیان قبضہ کرنے اور آباد کرنے والوں کی کوئی جگہ نہیں ہے۔” انہوں نے مزید کہا: "ہر روز ایک نئی مزاحمت ہم پر ظاہر ہوتی ہے، اور ایک نیا شیر نمودار ہوتا ہے جو صہیونیوں کو تہس نہس کردیتا ہے اور یہ سب فلسطین کی آزادی تک جاری رہے گا۔