(روز نامہ قدس ۔آنلائن خبر رساں ادارہ ) شہدا ءمیں بیس سالہ نوجوان عامر حلبیہ بھی شامل ہے جس کو اسرائیلی فوجیوں پر قاتلانہ حملے کے الزام میں فائرنگ کرکے شہید کیا گیا۔
فلسطینی ذرائع کے مطابق صہیونی فوج نے گذشتہ ایک ہفتے کے دوران ریاستی دہشت گردی میں 9 فلسطینیوں کو شہید کیا ، ہفتے کے روز اسرائیلی فوج نے 35 سالہ مجاہد محمد الجبعری کو الخلیل کے علاقے کریات اربع میں فائرنگ کرکے شہید کیا۔
اتوار کے روز اریحا میں اسرائیلی فوج نے 49 سالہ برکات موسیٰ عودہ کو گولیاں مار کر شہید کردیا ، پرانے شہرالقدس میں چاقو سے اسرائیلی فوج پر قاتلانہ حملہ کرنے کے الزام میں 20 سالہ عامر حسام بدر، 28 سالہ فاروق جمیل سلامہ اور15 سالہ محمد سمیر خلوف کو جنین پناہ گزین کیمپ میں قابض فوج نے گولی ماریں۔
گذشتہ جمعرات کو 42 سالہ داؤد محمود ریان مقبوضہ بیت المقدس میں قابض کی گولیوں سے شہید ہو گئے، بیت دقو سے تعلق رکھنے والے 54 سالہ حباس عبدالحفیظ ریان بیت عور چوکی پراسرائیلی فوج کی فائرنگ سے شہید ہو گئے اس کے ساتھ مقبوضہ بیت المقدس کے علاقے ابو دیس سے تعلق رکھنے والا بیس سالہ نوجوان عامر حلبیہ کو بھی اسرائیلی فوج پر حملہ کرنے کے الزام میں شہید کردیا۔