شامی فوج نےایک اور اسرائیلی حملہ ناکام بنادیا

(روز نامہ قدس ۔آنلائن خبر رساں ادارہ ) گذشتہ سالوں کےد وران اسرائیل نے شام کو بڑے پیمانے پر نقصان پہنچایا ہے ، گذشتہ ماہ اسرائیلی طیاروں نے دمشق ایئر پورٹ کو تباہ کردیا تھا۔

شامی سرکاری خبر رساں ادارے ‘سنا’ نے شامی دفاعی حکام کے حوالے سے رپورٹ کیا ہےشامی فضائی دفاعی  نظام نے گذشتہ روز دمشق کی فضامیں اور جنوبی علاقے میں ایک اور صہیونی  ریاست کے فضائی حملے کو ناکام بنا دیا ہے ۔

2011 کی شامی خانہ جنگی سے اب تک غیر قانونی صہیونی ریاست اسرائیل نے شام پر سینکڑوں بار فضائی حملے کئے ہیں جس میں سیکڑوں شامی فوجیوں سمیت شہری شہید ہوچکے ہیں۔

یہ بھی پڑھیے

اسرائیلی قبضہ اور اس کے طرز عمل سب غیر قانونی ہیں،  یو این

گذشتہ ماہ اسرائیلی فضائی حملے کے باعث دمشق میں پانچ شامی فوجی مارے گئے تھے۔ اس سے قبل جون میں ایک اور اسرائیلی حملے کی وجہ سے دمشق کے ائیر پورٹ کو سخت نقصان پہنچا تھا۔بعد ازاں دمشق ائیر پورٹ کم از کم دو ہفتے بند رکھا گیا تھا۔ اسی طرح اسرائیلی فضائی حملوں کے دوران دو مرتبہ حلب کے ائیر پورٹ کو بھی نشانہ بنایا جا چکا ہے۔