(روز نامہ قدس ۔آنلائن خبر رساں ادارہ ) شرپسند صہیونی آبادکاروں نے فلسطینی شہریوں پر حملہ کرتے ہوئے متعدد کو زخمی کردیا صہیونی فورسز نے آبادکاروں کو چھوڑتے ہوئے درجنوں فلسطینیوں کو ہی گرفتار کرلیا۔
فلسطینی ذرائع کے مطابق گذشتہ روز درجنوں مسلح شرپسند صہیونی آبادکاروں کے گروپ نے اسرائیلی فوج کے حفاظتی حصار میں میں مقبوضہ بیت المقدس کے شہر نابلس کے قصبوں بیت فوریک اور حوارہ میں فلسطینی آبادیوں پر حملہ کیا ، قابض افواج کے ساتھ تصادم اور آباد کاروں کے حملوں کے دوران پچاس سے زائد فلسطینی زخمی ہوئے جب کہ متعدد فلسطینیوں کو اسرائیلی فوج نے گرفتار کرلیا۔
یہ بھی پڑھیے
نابلس کا محاصرہ بین القوامی قوانین کی کھلی خلاف ورزی ہے، عرب پارلیمنٹ
فلسطینی طبی ذرائع کے مطابق پُرتشدد جھڑپوں کے دوران ساٹھ سے زائد فلسطینیوں کو اسپتال لایا گیا ، جن میں پانچ براہ راست گولیوں سے، پانچ کو ربڑ کی گولیوں سے اور باقی آنسو گیس کے کنستروں سے زخمی ہوئے۔
صہیونی فورسز نے فلسطینی ہلال احمر اور طبی امدادی عملے کو حراست میں لے لیا جب کہ نابلس کے مشرق میں بیت فوریک چوکی پر امدادی رضاکاروں سے کچھ سامان ضبط کرلیا۔