(روز نامہ قدس ۔آنلائن خبر رساں ادارہ ) انتہاپسند صہیونیوں نے فلسطینیوں کے پولٹری فارمز سمیت کھڑی فصلوں کو بھی نذر آتش کردیا۔
مقبوضہ فلسطین میں غیر قانونی صہیونی آبادکاری کی سرگرمیوں اور جرائم پر نظر رکھنے والی فلسطینیوں کی مقامی کمیٹی کے سربراہ برہان المروان نے بتایا کہ گذشتہ روز مقبوضہ بیت المقدس کے شہر نابلس کے جنوب میں واقع قُصرہ گاؤں میں غیر قانونی صہیونی ریاست اسرائیل کے فوجیوں کی سرپرستی میں درجنوں انتہا پسند مسلح صہیونی آبادکاروں نے حملہ کیا اور فلسطینیوں کی ملکیت تین پولٹری فارمز کو آگ لگادی جس کے باعث تیس ہزار سے زائد مرغیا زندہ جل گئیں ،آبادکاروں نے فلسطینیوں کی گاڑیوں اور کھڑی فصلوں کو بھی آگ لگادی۔