(روز نامہ قدس ۔آنلائن خبر رساں ادارہ ) قبلہ اول کے خطیب و امان کا کہنا ہے کہ مسجد اقصیٰ کو یہودیانے کی صہیونی دشمن کی تمام مکروہ چالیں ناکام ہو رہی ہیں، فلسطینی قبلہ اول کی حیثیت تبدیل کرنے کی صہیونی سازشوں کا توڑ کرنے کے لیے احتجاجی مطاہرے کریں۔
مسجد اقصیٰ کے خطیب و امام اور مقبوضہ بیت المقدس میں سپریم اسلامی کونسل کے سربراہ الشیخ عکرمہ صبری نے صہیونی سیکیورٹی فورسز کی سرپرستی میں غیر قانونی صہیونی آبادکاروں کی مسجد اقصیٰ پر یہودی مذہبی رسومات کی ادائیگی کے نام پر اشتعال انگیز دھاؤوں کی سخت الفاظ میں مذمت کرتے ہوئے فلسطینی عوام سے اپیل کی ہے کہ مسجد اقصیٰ کی حیثیت تبدیل کرنے کی صہیونی سازشوں کا توڑ کرنے کے لیے احتجاجی مطاہرے کریں۔
یہ بھی پڑھیے
مسلم حکمران قبلہ اول کو درپیش خطرات سے لاپرواہی برت رہے ہیں، الشیخ عکرمہ
شیخ عکرمہ صبری نے بیان میں کہا ہے کہ یہودی آباد کاروں کے مسجد اقصیٰ پر دھاووں کا ذکر کرتے ہوئے کہا ‘ اسرائیلی پولیس یہودی آبادکاروں کو مکمل سہولت کاری کے ساتھ اپنے حفاظتی حصار میں مسجد اقصیٰ پر حملوں کے لیے لاتی ہے، یہودی مذہبی رسومات کی ادائیگی کے نام پر اس طرح کی اشتعال انگیز کارروائیاں اور چڑھائیاں مسجد اقصیٰ کو یہودیانے کی غرض سے کی جارہی ہیں لیکن مسجد اقصیٰ کو یہودیانے کی صہیونی دشمن کی تمام مکروہ چالیں ناکام ہو رہی ہیں ۔