(روز نامہ قدس ۔آنلائن خبر رساں ادارہ ) غاصب فورسز نے فلسطینی خاندان کو گھر سے باہر نکالنے کیلئے گھر میں آنسو گیس کے شیل فائر کئے اور گولیاں چلائیں۔
غیر قانونی صہیونی ریاست اسرائیل کی سیکیورٹی فورسز نے مقبوضہ غرب اردن کے جنوبی شہر الخلیل کے جنوب مغرب میں واقع خلہ طحہ کے علاقے میں چار معذور بچوں پر مشتمل ایک فلسطینی خاندان کو اس کے گھر سے زبردستی بے دخل کردیا ، ان کے مکان کو غیر قانونی قرار دیتے ہوئے مسمار بھی کردیا۔
یہ بھی پڑھیے
فلسطینی مجاہدین کی استقامتی کارروائیاں اور فوجی پریڈ، صیہونی حکومت پر وحشت طاری
عینی شاہدین کا کہنا ہے کہ صہیونی فوج نے گھر کو خالی کرانے کے لئے گھر میں آنسو گیس کے شیل داغے اور فائرنگ کی مقامی باشندوں کو اس تک پہنچنے سے روک دیا اور گھر والوں کو گھر سے نکلنے پر مجبور کردیا جس کے باعث چار معذور بچوں پر مشتمل سات افراد کا خاندان کھلے آسمان تلے آگیا ۔