(روز نامہ قدس ۔آنلائن خبر رساں ادارہ ) صرف مقبوضہ بیت المقدس میں صہیونی فورسز کے خلاف سترہ حملے کئے گئے۔
صہیونی ریاست کے معروف اخبار يديعوت أحرونوت میں شائع رپورٹ کے مطابق صہیونی فورسز آور غیر قانونی آبادکاروں کے خلاف فلسطینی مزاحمت کار قہر بن کر ٹوٹ رہے ہیں، گذشتہ ہفتے کے دوران مقبوضہ بیت المقدس اور مغربی کنارے کے مختلف شہروں اور قصبوں میں فلسطینی مزاحمت کاروں کی جانب سے صہیونی دشمن پر 50 حملے کئے گئے جس میں سے 15 مقامات پر فائرنگ کا نشانہ بنایا گیا جبکہ متعدد علاقوں میں دھماکہ خیز مواد اور پٹرول بموں سے حملوں کے 35 واقعات ہوئے۔
یہ بھی پڑھیے
رواں ہفتے صہیونی فوج نے سات سالہ بچے سمیت 7 فلسطینیوں کو شہید متعدد کو زخمی کیا
جمعہ کے روز نابلس، قلقیلیہ، الخلیل، بیت المقدس، رام اللہ، جنین اور بیت المقدس میں قابض افواج کے ساتھ تصادم کے 17 واقعات ہوئے۔مزاحمت کاروں نے قابض افواج کو نشانہ بناتے ہوئے فائرنگ کی۔ اس دوران قابض فوج نے نابلس میں العین مہاجر کیمپ پر دھاوا بول دیا، جب کہ رام اللہ کے مغرب میں واقع نعلین میں جھڑپوں کے دوران پتھراؤ سے ایک فوجی زخمی ہوا جو بعد میں ہلاک ہوگیا ۔
جمعرات کے روز 7 سالہ بچہ ریان یاسر سلیمان بیت لحم کے جنوب میں واقع قصبے تقوع میں قابض فوجیوں کی فائرنگ میں شہید ہوا۔اس روز مغربی کنارے کے بیشتر حصوں میں بیت المقدس، الخلیل، رام اللہ، اریحا، نابلس اور قلقیلیہ میں تصادم کے 28 مقامات دیکھے گئے۔
مزاحمت کاروں نے کریات اربع بستی کو نشانہ بناتے ہوئے فائرنگ کا حملہ کیا۔ یہ کالونی الخلیل کی زمینوں پر تعمیر کی گئی ہے۔مزاحمت کاروں نے سلوان، القدس کے عیساویہ اور الخلیل میں بیت امر قصبوں میں قابض فوج اور یہودی کالونیوں پربم پھینکے۔بدھ کے روز جنین مہاجر کیمپ پر دھاوا بولنے والے قابض فوج کی گولیوں سے 4 مزاحمت کارمارے گئے۔