صہیونی زندان میں بغیر جرم کے قید مزید فلسطینیوں کی بھوک ہڑتال

(روز نامہ قدس ۔آنلائن خبر رساں ادارہ ) صہیونی جیل میں بغیر کسی جرم کے قید دیگر پانچ فلسطینیوں کی بہ طور احتجاج بھوک ہڑتال  پانچویں روز میں داخل ہوگئی ہے۔

فلسطینی قیدیوں کی کی تفصیلات فراہم کرنے والے ادارے کی جانب سے جاری کردہ رپورٹ میں بتایا گیا ہے کہ صہیونی ریاست کی جانب سے انتظامی حراست کی غیر قانونی پالیسی کے تحت بغیر کسی جرم کے گرفتار ہونے والے دیگر پانچ فلسطینی شہریوں نے بہ طور احتجاج  بھوک ہڑتال  شروع کی ہے جو پانچویں روز میں داخل ہوچکی ہے ، پانچوں فلسطینیوں کی صحت بھی خراب ہے جس کے باعث خدشہ ہے کہ انھیں طبی امداد کی ضرورت پڑے گی جو صہیونی حکام فلسطینیوں کو فراہم نہیں کرتے ہیں۔

یہ بھی پڑھیے

صہیونی فوج کی فائرنگ، 16سالہ نوجوان شہید، 100سے زائد زخمی

فلسطینی احمد حارث کی بہن اسماء نے بتایا ہے کہ ان کے بھائی کو 114 دنوں سے بغیر کسی جرم کے انتظامی حراست کی غیر قانونی پالیسی کے تحت نظر بند کیا گیا ہے۔ جبکہ اس کی صحت اچھی نہیں ہے۔ اس لیے انسانی حقوق کے عالمی اداروں کو اس جانب متوجہ کرنا چاہیے۔ تاکہ ان کے بھائی کی رہاائی ممکن ہو سکے۔

ایک اور فلسطینی قید کی ہمشیرہ رہیب نے بتایا ‘ ان کے بھائی کی حالت اس حد تک خراب ہو چکی ہے کہ اس کے لیے سانس لینا بھی مشکل ہوتا جارہا ہے۔  ان کے بھائی کو بڑھاپے اور خراب صحت کے باوجود جیل میں رکھا گیا ہے۔ حتی کہ  قیدیوں کو جیل میں تشدد کا نشانہ بھی بنایا جاتا ہے۔